Shkrimtari i njohur gjithandej trojeve shqiptare Agim Gjakova është fitues i çmimit prestigjioz letrar me emrin e shkrimtarit shumë të njohur Beqir Musliu, të cilin për të 14 herë e ndan komuna e Gjilanit, përkatësisht kryetari i Gjilanit z. Lutfi Haziri.
Emrin e fituesit e bëri të ditur shkrimtari Sabit Rrustemi, kryetar i Ars Club “Beqir Musliu” të komunës së Gjilanit. Këtë njoftim ai e bëri në cilësinë e kryetarit të jurisë përzgjedhëse. Dy anëtarët tjerë ishin shkrimtarja me prejardhje nga Lugina e Preshevës zonja Albina Idrizi dhe poeti dhe kritiku letrar z. Nexhat Rexha.
Kryetari i jurisë, shkrimtari Sabit Rrustemi foli për biografinë dhe krijimtarinë letrare të shkrimtarit Agim Gjakova, si dhe e arsyetoi dhënien e çmimit, duke potencuar se shkrimtari Agim Gjakova është meritor, sepse ka dhënë dhe jep ende kontribut në letërsinë shqiptare me vepra të vlerave të qëndrueshme artistike.
Vlen të theksohet se fitues i këtij çmimi ishte shkrimtari i mirënjohur nga Presheva, prozatori i mirënjohur z. Ramadan Rexhepi.
/ Nacionali/
No Comment