Shkrimtari i njohur me prejardhje nga Presheva, Biser Mehmeti, ka botuar librin e tij më të ri, romanin me titull “Një tragjedi Kosovare” , edituar nga shtëpia botuese “Beqir Musliu” në Gjilan.
Shkrimtarit Nijazi Ramadanit lidhur me vlerat e këtij libri shprehet se që në faqet e para të këtij dorëshkrimi autori Biser Mehmeti ka paraqitur gjendjen mjaft të tensionuar në të cilën gjendet një familje kosovare si pasojë e mosbindjes ndaj pushtetit okupues, i cili ishte vënë në gjah kundër të gjithë atyre që kishin guxim sado pak të vepronin kundër tyre në forma të ndryshme.
Përmes fatit, përkatësisht fatkeqësisë apo thënë edhe tragjedisë së kësaj familje, atuori sikur ka paraqitur edhe fatin dhe fatkeqësinë e një populli të tërë, i cili ndiqet pamëshirshëm nga një regjim i egër okupues, i cili në programin e tij kishte shfarosjen e një populli, i cili detyrohet të përjetojë gjëra nga më të tmerrshmet për të shpëtuar nga kjo zezonë që kishte pllakosur pjesën më të madhe të kombit.
Shkrimtari Biser Mehmeti përveç këtij romani, ka edhe libra të tjerë në prozë, të cilat kanë vlerën e tyre, por ka edhe një libër me poezi.
Librat nga i njëjti autor:
“ Nata pa mëngjes”, (roman) botues. SHB “Vatra” Shkup 2004
‘”Katër kalorësit e apokalipsit”, (tregime) “SHB “Rrjedha ”, 2011
“Jetë e mohuar”, roman, botues SHB “Rrjedha” Gjilan,2012
“Fjala e ngrirë (roman) botues Klubi letrar” De Rada, Ferizaj, 2014
“Dielli i ftohte”,roman, ÇMIMI I TRETË, Botues “Buzuku”, Prishtine, 2016.
“ZHGJËNDËRR E VRARË, poezi, “BEQIR MUSLIU”, 2019.
“Shpirtshitësit e Simonidës” roman, BUZUKU, Prishtinë, 2019
“TAKIMI ME VRASËSIN TIM”, tregime, “BEQIR MUSLIU”, Gjilan 2019
Biseri në krijimtarinë e tij letrare shkruan më tepër zhanrin e prozës dhe në opinionin artëdashës njihet më tepër si prozator…
/Nacionali/
No Comment