Komuna e Medvegjës që nga lufta e fundit në Kosovë e tutje vazhdimisht është boshatisur nga shqiptarët për shkaqe nga më të ndryshmet, duke filluar nga ato politike, vështirësitë ekonomike, papunësia, shkollimi, gjë që kjo komunë me të gjitha fshatrat që gravitojnë në të janë zbrazur nga shqiptarët, të cilët ia kanë mësyer Kosovës.
Pas luftës shtëpitë e shqiptarëve ishin shndrruar në gërmadha të kohës, disa ishin bërë të pabanueshme, e disa ishin rrënuar duke ngelur një kohë të gjatë pa banorë, andaj Shoqata Humanitare “Medvegja” në Zvicër, ka menduar dhe mendon pozitivisht pë bashkvendësit e tyre, duke ngritur një iniciativë shumë të qëlluar dhe me vend për ndërtimin e disa shtëpive në komunën e Medvegjës, gjë që me këtë krijohen kushte për kthim të atyre që dëshirojnë të kthehen në vendlindjen e tyre.
Kryesia e kësaj shoqate Humanitare “Medvegja” në Zvicër, njofton se tani vetëm ka filluar puna e ndërtimit të shtëpive për disa familje shqiptare komunën e Medvegjës.
Me këtë rast Zejnullah Namani, kryetar i SHHMZ i fton të gjithë qytetarët ta mbështesin dhe përkrahin këtë projekt.
/Nacionali/
No Comment