Pas shumë e shumë insistimeve të pandërprera dhe punës shumë aktive të Këshillit Kombëtar Shqiptar, lidhur me mundësinë e lejimit të librave për nxënësit shqiptarë të Luginës së Preshevës, të cilat duheshte paraprakisht të lejoheshin nga Ministria e Arsimit e Serbisë, gjithnjë me punën e palodhshme dhe ngulmuese të ministres së Arsimit të Republikës së Shqipërisë, zonjës Besa Shahini, nga shtatori nxënësit e shkollave fillore të tri komunave tona do t’i kenë disa nga librat e tyre të lejuara, me të cilat do të mësojnë.
Kjo është punë shumë dinamike e KKSH-së, që me një punë të pandërprerë bëri të mundshme që fëmijët tanë të kenë bile një sasi të librave të lejuara nga Serbia.
Këto libra në një masë të madhe do t’i gëzojnë fëmijët, mësuesit dhe arsimtarët, të cilët deri më tani kanë dhënë shënime, e tani do t’i kenë para veti secili nxënës.
Libra të tillë, në të cilat do të mësojnë nxënësit tanë do ta rrisin edhe nivelin e mësimnxënies dhe do të kenë një arsimim edhe më cilësor.
Me këto parametra arsimit shqip në Luginë do t’i hapen shtigje të reja lidhur me efikasitetin e mësimit, në shkollat tona.
Këto janë tekstet nga Shqipëria të lejuara nga Ministria e Arsimit e R. të Serbisë:
1. Gjuhë shqipe nga klasa e I deri në të VIII
2. Matematikë nga klasa e I deri në të VII
3.Edukatë Muzikore nga klasa e I deri në të VI
5.Biologji kl. V dhe VI
6.Kimi klasa e VII
7. Histori klasa e VI
8. Fizikë klasa e VI
9.Kultur figurative nga klasa e I deri në të VII
10. Dituri Natyre nga klasa e I deri në të IV
/Nacionali/
No Comment