Sipas lajmërimit të kryeministres së Serbisë, Ana Brnabiq nga nesër do ketë ashpërsim të masave kundër pandemisë Covid-19. Pas një kompromisi me stafin mjekësor të Shtabit të Krizave, kryeministrja njoftoi që nga nesër hyn në fuqi vendimi për mbyllje të një sërë biznesesh!
Pra, përveç barnatoreve, pompat e benzinës dhe lokalet ushqimore, gati të gjitha objektet tjera do të mbyllen.Këto masa janë të ngjashme me ato që ishin vikendin e fundin dhe do të vlejnë deri në fund të javës, ku do të vlerësohet pastaj se a do të vazhdohen masat e njejta!
Bizneset dhe objektet që mund të punojnë janë si më poshtë:
– Kufizimi nuk vlen për barnatoret, ordinancat, laboratorët, ordinancat dentare dhe veterinare,
– Mund të punojnë objektet tregtare ku shiten produktet ushqimore,- Objektet e pavarura të shitjes me pakicë në të cilat bëhet blerja pa hyrë në objekt (p.sh. kioskat)
– Lejohet të punohet në ato ambiente dhe dyqane ku ofrohen shërbime në të cilat nuk kërkohet prania afatgjatë e klientëve dhe ku kontakti është me kohëzgjatje të kufizuar, të tilla si këpucarë, xhamprerësit, dyqane rrobaqepësish etj,
– Stacionet e benzinës do të punojnë gjithashtu në kryerjen e aktiviteteve të shitjes së karburantit,
– Restorantet dhe baret brenda hotelit dhe akomodimet e tjera të kategorizuara do të funksionojnë ekskluzivisht për mysafirët që janë duke qëndruar në atë hotel,
– Kufizimi nuk zbatohet për mjediset sportive për përgatitjen dhe mbajtjen e garave të regjistruara brenda federatave kombëtare sportive kompetente.
Kurse sa i përket shkollave fillore, nga e hëna te gjitha do të kalojnë online. Ndërsa e pyetur për kopshtet, znj.Brnabiq ka thënë se ato do të vazhdojnë të funksionojë, e për të punësuarit në çerdhe ka bërë thirrje të vaksinohen të gjithë.
Poashtu thirrje për vaksinim ka bërë për të gjithë, duke thënë që Serbia tani ka një sërë vaksinash dhe qytetarët mund të zgjedhin cilën nga to duan ta maerin!
/Nacionali /
No Comment