Shoqata e Trashëgimisë dhe e krijimtarisë kulturore e Luginës së Preshevës, njofton se më 24 tetor 2020, do të organizojë konferencë shkencore, me temë: “TRASHËGIMIA KULTURORE MATERIALE E PALUAJTSHME E LUGINËS SË PRESHEVËS DHE E VISEVE SHQIPTARE”
Pjesëmarrës në Konferencë: studiues dhe përfaqësues nga të gjitha trevat shqiptare / Shqipëri, Kosovë, Maqedoni, Mal i Zi, Lugina e Preshevës, diaspora, etj.
Sipas kryetarit të SHTTK-së z. Xhemaledin Salihu, koha e paraqitjes së temës/abstrakti/ dhe punimi për Konferencë është deri më 11 tetor 2020.
Tema e punimit : 8 deri 20 faqe, në rradhorin 12.
Koha e referimit në Konferencë : 10 minuta
Hartimi,publikimi i Programit të Konferencës dhe njoftimi i pjesëmarrësve bëhet më 20 tetor 2020.
Sipas kryetarit, qëllimi i Konferencës është: Shqyrtimi dhe trajtimi shkencor i Trashëgimisë kulturore material të paluajtshme e Luginës së Preshevës.Synimi i Konferencës: Botimi komplet i materialit në një publikim/vepër/.Lugina e Preshevës dhe viset shqiptare kanë një pasuri të bollshme të trashëgimisë kulturore materiale të paluajtshme, e cila nuk është hulumtuar, studiuar , trajtuar e shqyrtuar shkencorisht sa duhet.
Andaj qëllimi kryesor i saj është që në suaza të mundësisë ajo të hulumtohet, studiohet, trajtohet dhe shqyrtohet me metoda shkencore, pastaj për ta përmbledhur në një libër për publikun, për të arriturat sidomos të Luginës së Preshevës dhe viseve shqiptare në këtë lëmi, të trashëgimisë kulturore materiale të paluajtshme.
TEMAT E STUDIUESVE MUND TË TRAJTOJNË E SHQYRTOJNË:
-Kalatë, Kështjellat, Parqet arkeologjike, Lokalitetet, Vendbanimet, Nekropolet
-Xhamitë, Teqetë, Tyrbetë, Kishat, Manastiret, Varrezat
-Shtëpitë, Odat, Kullat
-Ndërtesat shoqërore, Hanet, Mullinjtë, Çezmet, Bunaret
-Përmendoret, Lapidaret, Bustet, Pllakat përkujtimore
-Objekte e vende të tjera të trashëgimisë kulturore material të pa luajtshme.
Po ashtu kryetari zbulon edhe Bordin e konferencës:
1.Prof.dr.Drita Halimi-Statovci-etnologe
2.Prof. dr. Nebi Islami, filolog
3.Prof.dr. Agron Xhagolli-kulturë popullore/folklorist/
4.Dr. Rovena Vata, albanologe, studiuese-kritike,
5.Xhemaledin Salihu, profesor, studiues
Kryetari, porosit të gjithë të lajmëruarit për konferencë që t’i përfundojnë abstraktet dhe punimet dhe në afat të caktuar ato t’i dërgoni në e-mailin: shtkkpresheve@yahoo.com, xhemaledin_s@hotmail.com, xhemaledin47@gmail.com, sepse me këtë akt e ndihmoni organizatorin dhe Bordin e Konferencës shkencore t’i bëjë përgatitjet e duhura lidhur me mbarëvajtjen e Konferencës shkencore.
/Nacionali/
No Comment