Çiftelia është një instrument tipik shqiptar.Është e ndërtuar nga druri dhe ka një formë të zgjatur. Ka vetëm dy tela prej nga edhe e ka marrë emrin “Çift” dhe “Tela” d.m.th. dy tela çift.
Sokol Musliu arsimtar i edukatës muzikore dhe i artit figurativ në shkollën fillore “Zenel Hajdini” në Tupallë, përveç angazhimit të tij në procesin edukativo- arsimor, ai kohën e lirë të tij merret edhe me rregullimin e çiftelive.
Ai thotë se me këtë mjeshtri merret që nga viti 1973 e deri më tani, por do të vazhdojë edhe më tutje të punojë çifteli, sepse ka kërkesa nga këngëtarë të shumtë popullor.
Nga mjeshtri Sokol Musliu, kanë marrë çifteli shumë këngëtar e që me çiftelitë e tij janë bërë të njohur gjithandej trojeve shqiptare.
Ai pohon se edhe këngëtari i mirënjohur i këngës popullore Mahmut Ferati, në vitin 1977 e ka marrë nga ai çiftelinë e parë.
Më tej ai shton se për të rregulluar një çifteli të merr kohë 8 deri në 30 orë, varësisht nga lloji i çiftelive.
Vlen të theksohet se z. Sokol Musliu nga komuna e Medvegjës është i vetmi që punon zanatin e rregullimit të çiftelive…!
/Nacionali /
No Comment