Dita Ndërkombëtare e Rinisë organizohet më 12 Gusht të çdo viti. Ajo është caktuar nga Kombet e Bashkuara në vitin 1999 me miratimin e rezolutës 54/120. Kjo ditë është menduar si një mundësi për qeveritë dhe të tjerët për të tërhequr vëmendjen për çështjet rinore në mbarë botën. Koncerte, seminare, ngjarje kulturore, që përfshijnë zyrtarë dhe takime kombëtare dhe lokale qeveritare dhe organizatat rinore zhvillohen ne botë në nder të Ditës Ndërkombëtare të Rinisë.
Për shkak të Pandemisë Covid 19 nuk ka ndonjë aktivitet që zhvillohet në Luginë të Preshevës.
Me këtë rast Ministrja e Kulturës e Republikës së Kosovës, zonja Vlora Dumoshi, priti një delegacion të të rinjve në zyrën e saj, të cilën e bëri të ditur në faqen e saj të fb.-së
“Pata kënaqësinë që aktivitetet për shënimin e Ditës Ndërkombëtare të Rinisë t’i filloj me një takim të përzemërt me përfaqësues të Kuvendit të të rinjve të Kosovës, Kastriot Luma.Takimin e bënë më të begatë prezenca multietnike e të rinjve të shumtë të cilët i falënderova për angazhimin e vazhdueshëm që kanë. Petar nga komuniteti serb ne Graçanicë e Mejremja nga komuniteti ashkali ndanë me ne sfidat me të cilat përballen ata dhe komuniteti i tyre, ndërsa unë i sigurova që mbështetjen time do ta kenë përherë. Mozaikun multietnik të Kosovës e përbëjnë të rinj kaq të zellshëm nga të gjitha komunitetet, që i shtojnë bukurinë vendit tonë. I njoftova të pranishmit për punën që po bëhet në plotësim ndryshimin e ligjit për fuqizimin e rinisë për të cilin ka pasur kërkesa të ndryshme nga Kuvendi i të Rinjve, KVRL-të dhe organizatat rinore. Me plotësim-ndryshimin e këtij ligji do të ndryshojmë grup-moshën rinore si dhe do të njohim punën vullnetare të të rinjve.
Ministria që unë drejtoj do të mbështesë projekte për të rinjtë shumë totale prej 820.000 eurosh. Kjo shumë akomodon sado pak nevojat rinore dhe reflekton fokusin që emi për brezin e ri të Kosovës”.
/Nacionali/
No Comment