Sot në Bujanoc zgjidhet qeverisja e re…


Pas zgjedhjeve të 21 qershorit të këtij viti, ku u mbajtën dy palë zgjedhje në të njëjtën ditë, ato parlamentare dhe ato lokale, ku në zgjedhjet paralemntare shqiptarët e bashkuar në një listë të vetme fituan 3 deputetë, në Bujanoc në zgjedhjet lokale të mbajtura po në këtë ditë, fituese e zgjedhjeve doli PD e Dr. Nagip Arifit.

Pas certifikimit të rezultateve, filluan bisedimet për koalicionet e mundshme me shqiptarët, ku me ndihmën e Ministrit të Jashtëm Gent Cakaj u arrit koalicioni mbarëshqiptar dhe kjo është historike për faktin se tani shqiptarët pa ndihmën e pakicës serbe vendosin për Bujanocin.

Pas marrëveshjes u caktua edhe data e mbajtjes së seancës konstituive apo plenare ku do të zgjedhen kryetari i kuvendit, nënkryetari i kuvendit, sekretari i kuvendit, këshilli komunal etj.

Këtë seancë me gjasë do ta udhëheq këshilltari më i vjetër z. Stojança Arsiq.

Kjo mbledhje e shumëpritur do të filloj sot prej orës 11.00 në sallën e madhe të shtëpisë së kulturës në Bujanoc, me masa të rrepta të sigurisë për shkak të Pandemisë Covid 19, duke e respektuar distancën sociale me vendosje të maskave, dhe do të përcillet drejtpërdrejt nga mediumet lokale.

Sipas infomatave jozyrtare posti i kryetarit të Kuvendit do t’i takojë PVD-së, zëvendës kryetari LPD-së, këshilli komunal do të jetë gjithpërfshirës.

Në opozitë do të ngelen SNS, SPS dhe partitë tjera të vogla…

/Nacionali/

Previous Shkurtohet orari i punës edhe në Administratën Komunale në Preshevë...
Next Protestë kundër ndërtimit të xhamisë qëndrore në Prishtinë

No Comment

Leave a reply

Your email address will not be published. Required fields are marked *