Sikur shumë klube sportive në vendin tonë, të cilat veprojnë në baza vullnetare, garojnë në liga të ndryshme të Serbisë, e që po kanë telashe sa i përket mjeteve elementare materiale, për të mbajtur gjallë sportin dhe aktivitetet e tyre sportive, njëra nga këto klube është edhe Klubi Futbollistik “Tërrnoci” në Tërrnoc.
Që nga gjendja e jashtëzakonshme që u shpall kohë më parë nga shteti për shkak të Pandemisë COVID 19, klubi në fjalë është në gjendje jo të mirë financiare, prandaj kërkojnë ndihmë nga njerëzit vullnetmirë, nga organizatat e ndryshme dhe nga donatorët e mundshëm, për t’i vazhduar në mënyrë më komode garat si më parë.
Këtë kërkesë udhëheqësia e ka bërë publike në letrën e saj drejtuar atyre që munden ta ndihmojnë, duke ua bashkangjitur edhe numrin e xhirollogarisë së Klubit.
Në emër të udhëheqësisë këtë kërkesë e ka bërë z. Albinot Junuzi.
/Nacionali/
No Comment