Njëri nga intelektualët, politikanët më me zë në Kosovën Lindore, padyshim është Tahir Dalipi. Në kohën e pluralizmit politik në Serbi dhe në Ish-Jugosllavi, Tahiri ishte njëri nga themeluesit e PDSH-së, së bashku me kryetarin e saj të parë z. Ali Ahmetin. Ai ishte edhe deputet në Parlamentin e Serbisë, politikan i guximshëm dhe tejet aktiv në jetën politike.
Që nga pas lufta në Kosovë, ai jeton në komunën e Gjilanit, punon profesor i gjuhës frënge në Gjimanzin “Zenel Hajdini”.
Ai përveç që punon dhe vepron në Gjilan, merrret edhe me shkrime, ka botuar dy romane “ Rrënjët e kaçes” dhe romanin “Mija”. Për këto dy romane kritikët dhe vështruesit e letrave shqipe kanë dhënë mendime shumë pozitive.
Po ashtu Tahiri merret edhe me përkthime të librave nga gjuha shqipe në atë frënge dhe anasjelltas. Ka përtkthyer një numër të konsiderueshëm të librave me poezi dhe me prozë nga frëngjishtja në shqip.
Po ua sjellim një fragment të vështrimit të kritikut Sherafedin Kadriut” për romanin “Rrënjët e kaçes”
“Në këtë roman, të rëndësishëm mbeten dialogët që paraqesin dramë të vërtetë. Ndoshta, na bie rrallë të lexojmë dialogë si ai ndërmjet Dalldyshit e Hijes natën e parë të martesës, të shoqëruar shpeshherë me gjysma fjalish e fjalësh, me meditime, sigurisht pa zë, me heshtje si ari në ndonjë moment etj. Dhe, pas një dëshire për jetën e përbashkët, ata flasin me shikime të qarta. Dalldyshi: “zhduku oj, shporru më” (f. 18), ndërsa Hija: kurrë sytë mos t’i pafsha” (f. 18). Hijen edhe mund ta kuptojmë, të ndjejmë me të, por Dalldyshin assesi. E mu kjo mënyrë ndërtimi, kur autori nuk arrin ta bind ndjekësin që ta dojë heroin e tij, po të dojë dikë tjetër, – sikur i jep romanit objektivitetin që rrallë e gjejmë gjatë leximeve.
Takimi me vashën që do Dalldyshi, Sihanën, shkëmbimi i puthjes me të, biseda e lehtë, edhe pranimi se i bën mirë ato minuta, nuk e lehtëson lexuesin. Ai ka mendjen te Hija, e cila humbet krejtësisht si fizik, po ndoshta si karakter e shfaqur në ndonjë personazh tjetër, pakëz te Helena e më shumë te Sihana, kundruar në aspektin psikanalitik, gjithsesi. Në këtë mënyrë, në “Rrënjët e kaçës” ngjarjet bëhen më komplekse mu për shkak të një ndërthurje të qëllimshme të artistikes me psikanalizën, e kjo e dyta në funksion të kompleksimit të së parës. Në këtë shpërbërje do duhej parë vlerat psiakanalitike që bart ky roman, sidomos në raport me vlerat e traditës të shtresëzuara në kujtesën e popullit”.
Pak biografiTahir Dalipi, lindi në Ilincë të Preshevës në vitin 1963. Ai është politikan shqiptar, profesor i gjuhës frenge, ishte anëtar i Këshillit Politik Ushtrisë Çlirimtare për Preshevë, Bujanoc dhe Medvegjë. Tahir Dalipi jeton, vepron dhe punon në qytetin e Gjilanit.
No Comment