Në amfitetatrin e shtëpisë së kulturës “Abdulla Krashnica” në Preshevë u mbajt një takim konsultativ lidhur me organizimin e Manifestimit kulturor “Festa e plisit të bardhë” në fshatin Caravajkë të komunës së Preshevës.
Në këtë takim konsultativ të thirrur nga SHTKK dhe kryetari i saj Xhemaledin Salihu , morën pjesë aktivista kulturor veprimtarë të kulturës fizike dhe të interesuarit tjerë.
Po ashtu në këtë takim u zgjodh edhe Këshilli nismëtar i kësaj ngjarjeje me rëndësi kulturore: Xhemaledin Salihu, Skënder Halimi, Bilall Maliqi, Agim Arifi, Bajram Sadriu, Shkëlzen Limani, Kujtim Sadriu, Halil Arifi, Naser Arifi, Sami Hajdini etj.
Kryetari i SHTKK-së z. Xhemaledin Salihu shpalosi para të pranishmëve objektivat e këtij Manifestimi dhe kërkoi mbështetje edhe nga Shoqatat tjera që veprojnë në Luginë, gjë që njëzëri u pajtuan me propozimin e kryetarit Salihu
Manifestimi në fjalë pritet të organizohet gjatë muajit korrik 2020, kudo të jetë multikulturor dhe do të mbështet edhe nga Shoqata e Shkritmarëve “Feniks” (Luginë e Preshevës), SHKA “Presheva” në Preshevë dhe shoqata të tjera joqeveritare që veprojnë në Luginë të Preshevës
/Nacionali/
No Comment