Përgatitur nga Galaktika Poetike Atunis me editorin, shkrimtarin, publicistin, përkthyesin dhe presidentin e Galaktika Poetike Atunis, Agron Shele, doli nga shtypi kjo antologji e veçantë dhe e rrallë e këtij formati.
Brendia e antologjisë mjaft voluminoze shoqërohet me emra të njohur të poetëve nga mbarë bota, të cilët me poezitë e tyre në gjuhën angleze sollën vlerat e tyre të qëndrueshme artistike dhe i prezantuan denjësisht vendet e tyre.
Në mesin e 185 autorëve të njohur në të gjithë botën është i pranishëm edhe shkrimtari Bilall Maliqi nga Presheva, me biografi dhe me tri poezi në gjuhën angleze, përkthyer nga përkthyesi briliant Peter Tase.
Libri ka 490 faqe dhe në të janë përfshirë emra eminent të fushës së poezisë.
Vlen të theksohet se kjo Antologji, sikurse edhe ajo e vitit të kaluar, shkon në Bibliotekën Mbretërore në Hagë të Holandës…
/Nacionali/
No Comment