Libri me poezi “Monolog i dhembjes” i poetes Valbona Hasani në vete ngërthen poezi të një game të ndryshme motivuese, të cilat japin një ngjyrim emocional tek lexuesit, të cilët së lexuari të librit mbushen me ngjarje interesante, të cilat poetja i ka paraqitur brenda vargjeve poetike.
Në poezitë e tilla, të cilat janë në brendi të librit poetja na del me një vrull të efektshëm shpirtëror, të cilin e ka derdhur gjithandej këtij libri me poezi interesante, të mbështjellura me art dhe me mesazhe shumë të qarta për lexuesit.
Poezitë e librit pajisen diku-diku edhe me figura stilstike, ato janë të drejtpërdrejta, pa ndonjë hermetizëm qoftë edhe të lehtë, dhe si të tilla janë shumë të kuptueshme për secilën shtresë të lexuesve.
Libri ka poezi të motiveve të ndryshme si patriotike, sociale e të dashurisë, të cilat ashtu si janë kanë vlerën e begatshme artistike.
Libri është përgatitur për shtyp nga Shoqata e Shkrimtarëve “Feniks” (Luginë e Preshevës), ndërsa botues “Lena” Prishtinë, 2020.
No Comment