Dialogu midis Beogradit dhe Prishtinës nën kujdesin e Bashkimit Evropian do të vazhdojë të dielën, më 12 Korrik, njoftoi Komisioni Evropian.
Beogradi do të përfaqësohet nga Presidenti i Serbisë, Aleksandar Vuçiq, dhe Kosova nga kryeministri, Avdullah Hoti, raporton H1.
Takimi po organizohet nga Përfaqësuesi i Lartë i BE-së për Punë të Jashtme Josep Borrell, dhe do të kryesohet nga Përfaqësuesi special për dialog dhe çështje të tjera në Ballkanin Perëndimor Mirosllav Lajçak.
Në atë takim, negociatat dhe puna për të arritur një marrëveshje gjithëpërfshirëse dhe juridikisht detyruese për normalizimin e marrëdhënieve midis Beogradit dhe Prishtinës dhe zgjidhjen e të gjitha çështjeve të pazgjidhura – do të vazhdojë, bën të ditur, Peter Stano, zëdhënës i Shërbimit të Punëve të Jashtme të Komisionit Evropian.
Takimi do të mbahet pas “Samitit të Parisit”, i planifikuar për dy ditë më parë, të premten, më 10 korrik.
Megjithëse ekzistonte një ide që Presidenti i Francës, Emanuel Macron dhe kancelarja gjermane, Angela Merkel, do të sillnin përfaqësuesit e të dy palëve në të njëjtën tryezë, takimi do të mbahet ende në një mënyrë virtuale.
/Nacionali/
No Comment