Ibrahim Kelmendi ishte ndër patriotët e rrallë, që idealin kombëtar e kishin ADN shpirtërore. Qysh në moshë të re ai i hyri, udhës më të rëndë kombetare që me doemos kërkonte një flijim për atdheun e tij, Preshevën.
Nuk u pajtua aspak me politikën serbo- bullgare, dhe ishte kundërshtar i përbetuar i fashizmit i cili në vitet e 39-ta, kishte zbarkuar edhe në Kosovën Lindore.
Ky libër i prof. Kelmendit rradhitet në katër kapituj ku që nga i pari i kushton rëndësi të veçantë gjenezën e shqiptarëve dhe përbërjen historike të tyre, në të dytin flet për pozitën gjeografike dhe gjenezën e termit Preshevë, duke analizuar edhe kushtet ekonomike që posedonte ajo dikur, në të tretin flet për gjendjen e shqiptarëve në prag të Luftës së Dytë Botërore, sidomos ndarjen e trojeve shqiptare dhe organizimin e vullnetarëve shqiptar nga Presheva, dhe në kapitullin e katërt flet për raportet e politikës së Jugosllavisë dhe Shqipërisë, duke përshkruar sfidat me të cilat ato janë përballur.
Vepra në fjalë, është një përshkrim historik në të cilën patrioti Ibrahim Kelmendi, iku nga kjo botë me mallin se Lugina e Preshevës, mbeti jashtë trungut shqiptar, dhe amaneti i tij ishte që, kjo pjesë me zemër dhe dëshirë të quhet Kosovë Lindore dhe pjesë e saj.
Sot emrin e tij e bart, me krenari Shkolla Fillore e qytetit të Preshevës.
No Comment