“Ngjyrat e vargut “ titullohet libri të cilin e ka botuar Biblioteka Ndërkomunale e Prizrenit, në të cilën janë përfshirë poezi dhe proza të konkurruesve të konkursit anonim të Bibliotekës së Prizrenit.
Brendia e këtij libri shoqërohet me poezi dhe prozë të motiveve dhe të tematikave të ndryshme që e përthekojnë mjedisin ku jetojmë dhe veprojmë. Këto poezi janë të përzgjedhura për botim nga juria profesionale e konkursit.
Kujtojmë se në këtë konkurs anonim kanë konkurruar mbi 200 krijues, por juria i ka përzgjedhur për botim më të mirat.
Brenda këtij libri janë të prezantuar edhe dy krijues nga Lugina e Preshevës: shkrimtari Bilall Maliqi me poezinë “Ndërrim plot guxim” (fitues i çmimit kryesor “Abdullah Thaçi” dhe poeti Avni Shaqiri me poezinë “Gjeraqina e Gjeraku”.
Vlenë të theksohet se kjo Bibliotekë çdo vit hapë konkurs anonim dhe boton libër të tillë për konkurruesit pjesëmarrës.
/Nacionali/
No Comment