Zgjidhet organi i përkohshëm, reagon PDSH në Komunën e Preshevës

Më 17 dhjetor 2020 është zgjedhur organi i përkohshëm për Komunën e Preshevës, pas dështimit për mbajtjen e seancës së Kuvendit Komunal të kësaj komune për më tepër se 3 muaj.

Kryetar i këtij organi nga shefja e qeverisë së Serbisë, Ana Brnabiq është emruar Shqiprim Arifi, ndërsa anëtar të këtij organi janë emruar Ardita Sinani, Ragmi Mustafa, Branko Trajkoviq dhe Amir Latifi.

Pas këtij vendimi ka reaguar PDSH dhe kryetari i saj Mustafa. Ai në një postim në Facebook ka thënë si më poshtë :

Në shtatorin e vitit 2017, Qeveria Serbe në krye me kryeministren Brnabiq sjell Aktvendimin mbi emërimin e organit të përkohshëm në Komunën Preshevë pas shpërbërjes së Kuvendit Komunal e me këtë edhe ekzekutivit. Në këtë rast, ngarkoi me përgjegjësi koalicionin pushtetar PVD & LR, duke emruar kryetarin e organit të përkohshëm nga radhët e opozitës pikërisht kryetarin e Alternativës edhe pse edhe PDSH ishte opozitë por edhe me tre këshilltar më shumë të fituar në zgjedhjet e vitit 2016 se sa Alternativa. Qeveria Seprbe nuk respektoi fuqinë e votës elektorale të sovranit e as kryetaren e komunës në funksion nga radhët e PVD-së.
Tani, në këtë dhjetor të vitit rrjedhës me humbjen e shumicës ndërmjet trojkës APN&LR&Lista Serbe shpërndahet Kuvendi Komunal për të dytën herë me radhë brenda katër vitesh. Kohë gjat së cilës PDSH ishte dhe është opozitë. Edhe në këtë rast e njejta kryeministre serbe Brnabiq emron organin e përkohshëm por me standard tjetër ligjor, absolut në kundërshtim me rastin e para tre vitesh. Tani, nuk respektoi opozitën, nuk ngarkoi me përgjegjësi pozitën dhe me dy këmbë shkeli mbi ligjet serbe.
Nga, kjo shihet dyftyrësia e brishtë e Qeverisë Serbe dhe shkelja flagrante e ligjeve të saja sidomos kur janë në pyetje shqiptarët. Më në fund, brenda dy muajsh detyrymisht duhet të shpallen zgjedhjet dhe me këtë i lihet në dorë sovranit të vendos se kush duhet menaxhuar me komunën Preshevë. Nga ana tjetër, menaxhimin e komunës Preshevë kush më mirë se PDSH do ta kryente?
Të dashur Votues, të dashur shqipëtar të komunës Preshevë, përgatituni për pranverën e radhës dhe VOTONI për PDSH që të rikthehet në Pushtetin Vendor e me këtë vet sovrani rikthehet në PUSHTET e jo të na sjellin “Pushtetin Vendor” nga Beogradi! Kjo do të quhet Pushtim e jo Pushtet! RM

/Nacionali /