Falë angazhimit të kryetarit të Këshillit Kombëtar Shqiptar dhe ndihmës së Ministrit të Punëve të Jashtme i Republikës së Shqipërisë, z. Gent Cakaj, është hapur zyra ndërlidhëse të KKSH-së edhe në komunën e Medvegjës.
Ky akt i hapjes së kësaj zyreje ishte mirëpritur nga medvegjasit e lënë pasdore në të gjitha aspektet e jetës shoqërore, politike dhe kulturore.
Është shumë me rëndësi për këta pak shqiptar që ende jetojnë dhe veprojnë në këto troje, të cilët çdo ditë përballen me padrejtësi të panumërta, siç përballen edhe shqiptarët e dy komunave të tjera në Preshevë dhe në Bujanoc, por në Medvegjën gati të boshatisur përdit po shlyhen shqiptarët nga listat e regjistrit civil, gjë që shumë herë ka reaguar KKSH-ja dhe kryetari i saj Ragmi Mustafa, e kjo temë u bë aktuale edhe nga vetë Ministri Cakaj dhe shi për këtë dhe u hapë kjo zyre që qytetarët medvegjas drejtpërdrejt t’i adresojnë të gjitha problemet e tyre të të gjitha natyrave tek kjo zyre.
Në njoftimin e zyres së sapo hapur thuhet:
Zyra e KKSH në Medvegjë, afër medvegjasve shqiptar si institucion i vetëm i tyre, që do ngrit zërin e tyre në çdo instancë ku kërkohet.
Pasivizimi i adresave të shqiptarëve në këtë komunë është alarmant. Një problem të tillë kemi ngritur me të gjitha institucionet. Së bashku me të gjithë partitë politike dhe Ministritë e Punëve të Jashtme, asaj nga Kosova dhe Shqipëria jemi zotuar që këtë problematikë të ngrisim edhe në nivelet ndërkombëtare.
Zyra e KKSH në këtë Komunë do jetë afër të gjithë atyre,duke qenë në procesin faktmbledhës grumbullimin e dokumentacionit të nevojshëm të pasivizimit së adresave qytetarëve të Medvegjës.
Ftojmë të gjithë bashkëkombësit tanë nga Medvegja, ata që kanë probleme të ngjashme të lajmërohen pranë zyrës së KKSH në Medvegjë, që të njëjtat t’i grumbullojmë, për të adresuar veç e veç në organet përkatëse.
/Nacionali/
No Comment