Shkruan: Ragmi Mustafa- kryetar i Këshillit Kombëtar Shqiptar
Dalja publike në skenë e Ushtrisë Çlirimtare për Preshevë, Medvegjë dhe Bujanoc (UÇPMB-së), 21 vite më parë shënojë kthesën e historisë për shqiptarët e Luginës së Preshevës.Dalja e saj vije natyrshëm në rënien e dy martirëve, vëllezërve Saqipi në Dobrosin.
Pas ushtrimit të dhunës së përditshme e të pa përballueshme nga forcat militare e paramilitare të kthyera nga lufta e Kosovës dhe vrasjet e mistershme e të pasqaruara të shqiptarëve të Luginës së Preshevës.
Përkujtimi kësaj date historike, është nderim për të ardhmen, që e kaluara të mos përsëritet kurrë e që idealet të përjetësohen.Pjesëtarët e UÇPMB-ës shkruan historinë e lavdisë e krenarisë. Se përtej ekzistencës biologjike, më të rëndësishme janë dinjiteti, liria, barazia, të drejtat kombëtare, vatra e nderi i të parëve.Shqiptarët e Luginës janë ende me status të pazgjidhur politiko-juridik e të privuar nga liritë individuale e kolektive.
Arritja e tri marrëveshjeve me Qeverinë e Serbisë shpreh gatishmërinë dhe përkushtimin tonë për paqe e barazi. Injorimi dhe mosrespektimi i tyre nga Qeveritë e një pas njëshme flet për karakterin e tyre mohues e diskriminues.
***Gjithashtu, në këtë datë shënohet edhe 20 vjetori i rënies heroike të dëshmorit Besim Faiku në Tërnoc.
Të kujtojmë lavdinë e nderojmë dëshmorët, të marrim forcë e mbledhim veten për detyrat e angazhimet.
LAVDI USHTRISË ÇLIRIMTARE PËR PRESHEVË BUJANOC DHE MEDVEGJË!
LAVDI DËSHMORËVE!
No Comment