Kohët e fundit bashkatdhetarët tanë nga Diaspora po organizohen bukur mirë, si me anë të organizatave humanitare që veprojnë në Diasporë, apo edhe me anë të grupimeve të humanistëve, siç është Grupi”GEKSH” në Zvicër, për t’i ndihmuar rasteve në nevojë.
Këto organizime asnjëherë nuk kanë munguar, por kanë dhënë rezultate të dukshme në rajon, e sidomos tek qytetarët e Luginës së Preshevës.
Dihet se uji i pijshëm i ka munguar dhe po i mungon qytetarëve tanë, andaj bashkatdhetarët tanë po tubojnë mjete financiare për hapje të puseve, aty ku ka nevojë dhe deri më tani kanë hapur një numër të konsiderueshëm të puseve.
Për këtë akt këta bashkatdhetarë duhet të nderohen dhe të respektohen si nga shoqëria e gjerë, por edhe nga komunat tona.
Njëri nga aktivistët më me zë është edhe z. Shaip Bajrami nga Corrotica e Preshevës, i cili secilin donacion të mërgimtarëve tanë e ka bërë publike.
…
No Comment