Në rrugën e Llapincës, përkatësisht në rrugën që lidhet me rrugën e gurthyesit e që të shpie në stacionin hekurudhor, disa metra matanë ndërtesës së Universitetit të Novi Pazarit, dega në Preshevë një qen kishte rënë në pusetën e hapur të kanalizimit.
Kjo u vërejt nga të lehurat e njëpasnjëshme të qenit dhe ehot që vinin nga ato të lehura, mandej me t’u afruar pamë qenin, i cili kishte rënë në pusetë dhe nuk mund të dilte assesi.
Me ndihmën e dy të rinjve të cilët sollën një shkallë të metalit e nxorëm qenin nga ajo pusetë e cila ngeli prapë e hapur sikurse të gjitha pusetat e tjera që janë përgjatë asaj rruge.
Këtë shqetësim gazetari disa herë e ka potencuar me anë të shkrimeve të tij, drejtuar atyre që merren me këtë punë në mënyrë që mos të bie gjatë natës edhe ndonjë kalimtar i rastit e që rasti mandej të kalojë në fatalitet.
Këto puseta ka më tepër se gjashtë muaj që janë të hapura, prandaj bëjmë thirrje që të njëjtat sa më parë të mbulohen me kapakët e tyre…
/Nacionali/
No Comment